'n Staatsdepartement loop moontlik deur onder kuberkrakers

Die minister van openbare werke en infrastruktuur, Dean Macpherson, en die direkteur-generaal, Sifiso Mdakane, is na bewering gewaarsku oor ‘n moontlike kuberaanval nadat sensitiewe kommunikasie tussen hulle op sosiale media opgeduik het.

Sunday Times berig dat senior amptenare in die Departement van Openbare Werke en Infrastruktuur hul eie politieke en administratiewe hoofde onder toesig geplaas het te midde van ‘n klopjag teen korrupsie. Regeringsbronne beweer dat die toesig moontlik staatsintelligensie-operateurs betrek het.

Die Staatsveiligheidsagentskap is nou versoek om ‘n amptelike ondersoek na die beweerde kuberkrakery te doen, terwyl die departement voortgaan met pogings om korrupsie uit te roei.

Ter illustrasie. FOTO: Unsplash