'n Suid-Koreaanse restaurant het miere op die spyskaart
- Saamgestel deur Ilde Roos
- Jul 22
- 1 min read
Updated: Jul 23
’n Michelin-ster-restauranteienaar word daarvan beskuldig dat hy miere as garnering vir ’n nagereg gebruik het.
Die eienaar van 'n Suid-Koreaanse restaurant erken dat hy miere bedien het, maar het aangevoer dat hulle slegs in ’n klein deel van die spyskaart gebruik is en dat gaste ander garnering kon kies.
Ondersoekers skat dat ongeveer 49 000 miere wat uit die VSA en Thailand ingevoer is, oor vier jaar in verskeie geregte gebruik is.
Die saak het aan die lig gekom nadat die Ministerie van Voedsel- en Medisyneveiligheid aanlyn resensies ontdek het met foto’s van geregte wat met miere besprinkel is. Die klaers eis ’n vonnis van een jaar tronkstraf vir die eienaar.
Die BBC berig dat miere nie onder die tien insek-spesies is wat onder Suid-Koreaanse wette vir menslike gebruik goedgekeur is nie.
Comments