‘n Tiener is vir dwelmhandel in Bayswater aangekeer
- Saamgestel deur Nadia Pieters
- Oct 27
- 1 min read
‘n Tienerseun, met ‘n aansienlike hoeveelheid dwelms en kontant, is in die Bayswater-gebied deur die Provinsiale Anti-Bende-eenheid (AGU) in Bloemfontein aangekeer.
Volgens polisiewoordvoerder, sersant Mahlomola Kareli, het die AGU op inligting gereageer, en met die aankoms van die lede by die gegewe adres het hulle met ‘n soektog begin.
Hulle het beslag gelê op dwelms en net oor die R93 000.
Die 18-jarige is formeel aangekla en word vir dwelmhandel aangehou.
Die saak is by die Bayswater-polisiestasie geregistreer, en hy sal binnekort in die Bloemfonteinse landdroshof verskyn.
Comments