'n Trompsburg-man is agter tralies nadat hy 'n skaap gesteel het

Die Trompsburg-landdroshof in die Vrystaat het 'n verdagte skuldig bevind aan die besit van gesteelde eiendom.

Johannes Ramantsana is tot ses maande tronkstraf, of ‘n boete van R3 000, gevonnis nadat hy met ‘n geslagte skaap betrap is.

Volgens die polisie het plaaswerkers Ramantsana in April vanjaar op ‘n plaas in Tierpoort gewaar en die eienaar en sekuriteitsmaatskappy ontbied.

‘n Polisiewoordvoerder, sersant Sinah Mpakane, sê die skaap se oorplaatjie is positief gekoppel aan die regmatige eienaar.