’n Turbineprobleem by Koeberg en sardynvrektes word ondersoek

Saamgestel deur Nadia Pieters

Aug 28

1 min read

Koeberg se Eenheid Een is veilig van die netwerk afgehaal ná ’n turbineprobleem.

Volgens inligting wat deur Eskom gedeel is, bly die nasionale kragnetwerk stabiel en is daar geen risiko vir die land se elektrisiteitsvoorsiening nie.

Die oorsaak van die turbineprobleem word ondersoek. Koeberg se opwekking is vroeër vandeesmaand ook as voorsorgmaatreël verminder weens probleme met die seewater-inlaatstelsel wat met ’n invloei van sardyne naby die stelsel verband hou.

Terselfdertyd is verhoogde sardynvrektes langs die Suidwes- en Weskus aangemeld.

Die Departement van Bosbou, Visserye en die Omgewing ondersoek die vrektes saam met ander rolspelers.

Eskom sê daar is tans geen bewyse dat die vrektes met Koeberg se bedryf verband hou nie.