‘n Voormalige Centlec-werknemer is vas ná onwettige toegang tot substasie

’n Voormalige Centlec-werknemer is in hegtenis geneem ná ’n voorval by ’n substasie by ’n sentrum in die Mangaung-metro waar ’n kontrakwerker ernstige elektriese brandwonde opgedoen het.

Volgens Centlec het die voormalige werknemer en ’n kontrakwerker glo sonder toestemming toegang tot die substasie verkry om aan die infrastruktuur te werk.

Die kontrakwerker het tydens die werk ernstige elektriese brandwonde aan sy linkerhand opgedoen, en is na die Pelonomi-hospitaal geneem vir behandeling.

Centlec sê die voorval het ook skade van sowat R25 000 aan infrastruktuur veroorsaak.

Die verdagte sal na verwagting binnekort in die hof verskyn terwyl ondersoeke voortduur.

Ter illustrasie. FOTO: Grok