‘n Voormalige gesondheids-werknemer word vir bedrog vervolg

Nadia Pieters
Oct 25
1 min read

'n Voormalige werknemer van die Departement van Gesondheid wat glo haar matriek senior sertifikaat vervals het, het in die Sasolburg-landdroshof verskyn.

Volgens NovaNews het die 49-jarige Manini Monco-Mahlaku glo ‘n ander persoon se senior sertifikaat vervals en dit as haar eie ingedien, waarna sy as ‘n basiese ambulansassistent aangestel is.

Die bedrog het in 2022 aan die lig gekom.

Teen die tyd het die departement reeds 'n verlies van meer as R2,2 miljoen gely.

Ten spyte daarvan dat sy in September 2022 uit haar pos bedank het, is die verdagte vroeër die week opgespoor en in hegtenis geneem.

Sy is borgtog van R5 000 toegestaan, en die saak is tot volgende maand uitgestel en oorgeplaas na die Kroonstad Gespesialiseerde Handelsmisdaadhof.