‘n Vrystaatse aktivistegroep bevraagteken die R600-miljoen wat aan beplante betogings toegeken is

Saamgestel deur Jana Roos
16 minutes ago
1 min read

Die leier van die aktivistegroep Forum for Service Delivery in die Vrystaat, Potso Motoko, het die regering versoek om die R600-miljoen wat vir beveiliging vir Dinsdag se beplande betogings toegeken is, na die Grensbestuursowerheid oor te dra.

SABC-nuus berig Motoko sê daar word gekla oor die land se poreuse grense, terwyl dié geld in werklikheid beskikbaar was om die grense beter te beveilig. Motoko het dit gesê tydens 'n optog teen ongedokumenteerde buitelanders in Bloemfontein. 'n Aantal organisasies het immigrante wat sonder die vereiste dokumente in die land is tot Dinsdag tyd gegee om na hul geboorteland terug te keer. Motoko sê die R600-miljoen kan beter bestee word.

ActionSA het vroeër ook die Polisie se besluit oor die R600-miljoen gekritiseer.