‘n Vrystaatse ma is tronk toe nadat sy haar seun met kookwater verbrand

’n Vrystaatse ma is tot 12 jaar direkte tronkstraf gevonnis nadat sy kookwater oor haar 10-jarige seun uitgegooi het.

Volgens die Suid-Afrikaanse Polisiediens het die seun brandwonde aan die agterkant van sy lyf opgedoen en is ook met ’n gordel aangerand.

Die vrou het hom daarna vir 3 dae in die huis aangehou voordat hy daarin kon slaag om, met die hulp van gemeenskapslede, na sy oupa se huis te vlug.

Die vrou is suksesvol deur die Phuthaditjhaba-eenheid vir gesin, kinderbeskerming en seksuele oortredings, saam met die Nasionale Vervolgingsgesag, skuldig bevind op ’n aanklag van poging tot moord.

Ter illustrasie. FOTO: Unsplash