’n Vrystaatse verkoopsverteenwoordiger is vas oor beweerde bedrog

’n Voormalige verkoopsverteenwoordiger van Nashua het in Welkom in die hof verskyn op aanklagte wat verband hou met beweerde bedrog met sonkragstelsels.

Volgens die Valke word die 52-jarige Pieter Theunissen daarvan beskuldig dat hy in 2023 twee vals aansoeke vir sonkragstelsels ter waarde van sowat R719 944 ingedien het. Hy het na bewering kliënte se handtekeninge vervals, hoewel hulle nie vir die stelsels aansoek gedoen het nie.

Die finansiering is goedgekeur en Theunissen het kommissie ontvang. Nashua moes later die finansieringsinstelling terugbetaal en het ’n finansiële verlies gely.

Die saak is tot 2 Februarie volgende jaar uitgestel vir oorplasing na die Gespesialiseerde Handelsmisdaadhof.

Ter illustrasie. FOTO: WEET