'n VS burgemeester het glo die ANC in oneer gebring
- Saamgestel deur Ilde Roos
- May 27
- 1 min read
Die burgemeester van die Matjhabeng plaaslike munisipaliteit in die Vrystaat, Thanduxolo Khalipha, is een van vyf ANC-lede wat na die party se nasionale dissiplinêre komitee verwys is omdat hulle die party na bewering in oneer gebring het.
Die party se sekretaris-generaal, Fikile Mbalula, het dit tydens ‘n media-inligtingsessie onthul. Die voormalige ministers Bheki Cele en Sisisi Tolashe is ook onder die beskuldigdes.
Mbalula het aan News24 gesê dat Cele en Tolashe die party in oneer gebring het, en die nasionale dissiplinêre komitee gaan ‘n sanksie aanbeveel. Dit kom nadat die Integriteitskommissie oor die naweek ‘n verslag aan die Nasionale Uitvoerende Komitee voorgelê het.
Die ander wat na die komitee verwys is, was die Stad Johannesburg se burgemeesterskomiteelid, Sithembiso Zungu, en die ANC se Sedibeng-streeksekretaris, Jason Mkhwane.
Comments