'n VS ingenieur skryf 'n kinderboek oor sonkrag

‘n Vrystaatse ingenieur het ‘n kinderboek geskryf wat daarop gemik is om jong Suid-Afrikaners te help om hernubare energie te verstaan.

EWN berig Ntitiseng Moloi sê sy het die boek, Winnie Catches the Sun, geskryf om te verseker dat kinders hulself as bekwame probleemoplossers in wetenskap en tegnologie sien. Sy voeg by sy sou graag self as kind oor dié onderwerp wou leer.

Die boek verduidelik sonkrag deur die verhaal van ‘n jong meisie wat leer hoe sonlig elektrisiteit tydens ‘n kragonderbreking kan opwek.

Moloi sê die selfgepubliseerde boek het goeie reaksie van kinders ontlok, soos deur ouers gerapporteer.

FOTO: EWN