‘n VS ma is gevonnis vir mishandeling van haar dogter

'n Ma is tot ses maande gevangenisstraf gevonnis vir die aanranding van haar agtjarige dogter. Die Phuthaditjhaba-landdroshof in die Vrystaat het die vonnis vir vyf jaar heeltemal opgeskort.

Volgens 'n polisieverklaring het die Departement van Maatskaplike Ontwikkeling in Augustus 2025 ’n klagte ontvang oor die beweerde mishandeling. 'n Klagte is voorheen ook teen dieselfde ma ontvang.

Die vrou het die slagoffer opdrag gegee om na ’n eenjarige kind om te sien terwyl sy uitgegaan het om alkohol te gebruik. Die ma het die kind daarna geskop en haar oog beseer.

’n Saak van aanranding met die opset om ernstig te beseer is by die polisiekantoor geopen.

Ter illustrasie. FOTO: Grok