'n VS man is vas vir dwelmbesit

'n Man van Tumahole naby Sasolburg in die Vrystaat is in hegtenis geneem vir die besit van dwelms en onwettige besit van ammunisie.

Polisiewoordvoerder, sersant Josephine Rani, sê in 'n verklaring polisie het opgetree op grond van inligting wat ontvang is oor ’n woning wat na bewering gebruik is vir die verkoop en verspreiding van dwelms.

Met hul aankoms is ’n deursoeking uitgevoer wat gelei het tot die inhegtenisname van die verdagte. Tydens die deursoeking het die polisie 21 mandrax-tablette, agt klein en twee groter plastieksakkies met kristalmetamfetamien, asook twee rondtes ammunisie gevind.

Die verdagte sal na verwagting binnekort in die Parys-landdroshof verskyn.

FOTO: Verskaf