'n VS man sit vir moord op sy jong stiefseun

'n Man van Thaba Nchu in die Vrystaat is deur die hooggeregshof in Bloemfontein lewenslange tronkstraf opgelê vir die moord op sy sesjarige stiefseun.

Volgens 'n verklaring het polisielede met hul aankoms by 'n huis in Selosesha ’n woedende skare buite die huis aangetref. Daar is vasgestel dat die verdagte, Lebohang Keoreng, deur gemeenskapslede agternagesit, gevang en aangerand is. Die polisie het ingegryp, hom uit die skare se hande gered en vir mediese behandeling na ’n plaaslike hospitaal geneem.

Die verdagte het na bewering saam met die sesjarige kind vanaf die kind se tante se huis vertrek onder die voorwendsel dat hulle sy ma gaan soek. Kort daarna is die seuntjie gesien waar hy na sy tante toe hardloop, maar hy het ineengestort voordat hy haar kon bereik.

'n Mes, wat die vermeende moordwapen is, is later by die verdagte se huis gevind.

Gemeenskappe word aangemoedig om nie die reg in eie hande te neem nie, maar eerder die polisie en die regstelsel toe te laat om hul werk te doen.

Ter illustrasie. FOTO: Maroela Media