’n Vuurwapen wat soos ’n selfoon lyk, is in Kaapstad gekonfiskeer

‘n Vuurwapen wat soos ’n selfoon lyk, is tydens ’n vroeëoggendoperasie in Manenberg, Kaapstad, gekonfiskeer.

Volgens IOL is ’n verdagte ook in hegtenis geneem nadat wetstoepassers drie sakkies tik en ’n halwe Mandrax-tablet by hom gevind het.

Die beamptes het die man en sy voertuig deursoek nadat hulle inligting oor ’n vermeende dwelmhandelaar in Pamweg ontvang het.

Die ongewone wapen gebruik glo .22-kaliber ammunisie en is aangepas om ongemerk as ’n alledaagse voorwerp gedra te kan word.

Burgemeesterskomiteelid vir veiligheid en sekuriteit, JP Smith, sê dit is die eerste vuurwapen van dié soort wat deur die Stad Kaapstad se wetstoepassers gekonfiskeer is.

FOTO: X