'n Welkomse man is vas vir dwelmhandel

'n Man is in Welkom in die Vrystaat in hegtenis geneem nadat dwelms, geld en vermoedelik gesteelde selfone by sy besigheid gevind is.

Polisiewoordvoerder, sersant Palesa Thabana sê in 'n verklaring polisie het Dinsdag op 'n besigheid toegeslaan. Die dwelms het 'n straatwaarde van ongeveer R30 000 en sluit in kristal-metamfetamien, CAT, Mandrax-tablette.

Die verdagte gaan binnekort in die Welkomse landdroshof verskyn op aanklagte van dwelmhandel, dwelmbesit, en die besit van vermoedelik gesteelde items.

FOTO: Verskaf