Nie eers ‘n kwart van die land se bevolking vertrou die polisie nie
- Saamgestel deur Nadia Pieters
- Nov 27
- 1 min read
Navorsing van die Instituut vir Sekerheidstudies (ISS) het aan die lig gebring dat die publiek se vertroue in wetstoepassing steeds afneem namate wydverspreide korrupsie voortduur.
Die jongste verslag toon dat slegs 22% van Suid-Afrikaners die polisie vertrou.
Die ISS sê die probleme is kompleks en te wyte aan die betrokkenheid van senior polisiebeamptes, wat ‘n diep vernietigende impak op die organisatoriese kultuur het.
Dit sluit in algemene omkopery, verspreide pogings teen korrupsie met swak koördinering, en huiwering om mede-beamptes aan te meld uit vrees vir moontlike vergelding.
Comments