Nieu-Seeland bevestig sy eerste voëlgriepvirusgeval
- Saamgestel deur Ilde Roos
- Jul 15
- 1 min read
Nieu-Seeland se minister van Biosekuriteit, Andrew Hoggard, sê die land het sy eerste geval van die dodelike H5N1-voëlgriepvirus bevestig.
Hoggard het onthul dat ’n migrerende seevoël wat op ’n strand naby die hoofstad, Wellington, gevind is, positief getoets het. Hy sê daar is geen bewyse dat die virus na pluimvee versprei het of massa-sterftes onder wildlewe veroorsaak het nie.
Gesondheidsbeamptes het begin om 300 broeivoëls van vyf bedreigde spesies as ’n voorsorgmaatreël in te ent.
Reuters berig dat Nieu-Seeland met die pluimveebedryf saamgewerk het om biosekuriteitsplanne te ontwikkel ter voorbereiding vir die virus.
Comments