Nissan se vervaardiging in Suid-Afrika eindig

Saamgestel deur Nadia Pieters
11 hours ago
1 min read

Nissan se 60-jaar lange geskiedenis van voertuigvervaardiging in Suid-Afrika kom tot 'n einde. Dit nadat die Mededingingskommissie goedkeuring in die verkoop van die motorvervaardiger se Rosslyn-aanleg aanbeveel het.

Die transaksie, onderhewig aan indiensnemings- en plaaslike voorsieningsvoorwaardes, sal sien dat Chery die Gautengse fabriek verkry om geselekteerde sportnutsvoertuig-modelle plaaslik te vervaardig.

Nissan het vroeër vanjaar aangekondig dat hy die vervaardiging van voertuie in Suid-Afrika gaan staak weens swak benutting van die aanleg en langtermyn-uitdagings rakende volhoubaarheid.

Die aanbeveling baan die weg vir Chery om sy plaaslike vervaardigingsvoetspoor uit te brei.