Nog ‘n nie-amptelike datum eis migrante om SA te verlaat
'n Anti-migrantegroep het nog 'n nie-amptelike sperdatum aangekondig vir buitelandse burgers wat in Suid-Afrika werk.
Business Tech berig die groep het migrante tot 30 September gegee om die land te verlaat.
Dit volg op ’n vorige sperdatum wat die groep vir 30 Junie gestel het, wat saamgeval het met ’n poging om die land daardie dag tot stilstand te bring.
Die jongste sperdatum kom nadat spanning tussen betogers en migrante wat naby die departement van binnelandse sake se Vlugtelingontvangssentrum in Durban woon, toegeneem het.
Die Suid-Afrikaanse Polisiediens sê die jongste sperdatum sal nie hul benadering verander nie en dat hulle met normale polisiewerk sal voortgaan. Die verwikkelinge kom terwyl die regering voortgaan om buitelandse burgers vir deportasie en vrywillige repatriasie te verwerk.
Comments