Noodherstelwerk veroorsaak ontwrigting in Noordhoek

Inwoners van Bloemfontein, veral in Noordhoek, word in kennis gestel van noodherstelwerk aan ’n waterpyp by die sirkel tussen Andries Pretorius- en Wilcocksweg. Die Mangaung Metro Munisipaliteit verduidelik in ’n kennisgewing op hul Facebook-blad dat die werk op Woensdag 21 Mei begin. ’n Deel van die pyplyn het ineengestort en moet vervang word. Inwoners word gevra om versigtig te wees in die gebied en alle padtekens te gehoorsaam. Die munisipaliteit sê hulle doen alles moontlik om die werk vinnig en veilig af te handel. Intussen kan daar wateronderbrekings of verkeerherleiding in die omgewing wees terwyl die werk voortgaan.