Nsfas benodig sterker stelsels en beheermaatreëls

Saamgestel deur Nadia Pieters
36 minutes ago
1 min read

Die minister van Hoër Onderwys, Buti Manamela, sê die Nasionale Finansiële Hulpskema vir Studente (Nsfas) moet gestabiliseer word om die effektiewe en volhoubare befondsing van Suid-Afrikaanse studente te verseker.

Die minister het met die Nsfas-raad vergader om te fokus op die implementering van die tussentydse hofbevel van 14 Augustus, die handhawing van institusionele kontinuïteit en die bestuur van die oorgang van administrasie.

Manamela sê die skema se onderliggende bestuurs-, finansiële en operasionele uitdagings moet aangespreek word.