Nsfas sal akkommodasieverskaffers voor Paasfees betaal

Die Nasionale Finansiële Hulpskema vir Studente (Nsfas) het aangekondig dat hulle verblyfverskaffers voor die Paas-langnaweek sal betaal. Die verblyfbetaling is geskeduleer om volgende Donderdag verwerk te word. Nsfas herinner verhuurders daaraan dat hulle tot Woensdag twaalfuur het om hul verblyfeise vir hierdie betalingssiklus in te dien. Verhuurders word ook versoek om nie studente uit te sit nie en om Nsfas te help verseker dat diegene in kwesbare situasies stabiele lewensomstandighede het terwyl hulle studeer. Die skema se Ishmael Mnisi sê oplossingsvennote moet ‘n omvattende lys indien van studente wat aansoek gedoen het vir Nsfas-geakkrediteerde verblyf.