Nutsdienste styg vinniger as inflasie
- Saamgestel deur Nadia Pieters
- 18 hours ago
- 1 min read
Die Mededingingskommissie sê pryse van noodsaaklike nutsdienste het die afgelope paar jaar baie vinniger as inflasie gestyg.
Volgens sy jongste Lewenskoste-verslag het elektrisiteitspryse met sowat 85% toegeneem, terwyl waterpryse met ongeveer 68% gestyg het.
Dit is aansienlik hoër as die algehele inflasiekoers van sowat 30% oor dieselfde tydperk.
Die kommissie sê dié tendens dui op dieper strukturele probleme in die nutssektor.
Dit sluit onder meer verouderende infrastruktuur, hoë skuld en operasionele uitdagings in.
Die kommissie waarsku dat druk op water- en elektrisiteitspryse waarskynlik nie binnekort gaan afneem nie.
Comments