Nuwe hekwag is op pad vir die Tempe-ingang

Die bekende tenk wat jare lank as “hekwag” by Tempe in Bloemfontein gestaan het, gaan vervang word. Bloemnuus berig dié T-34/85-tenk op die hoek van Furstenburgstraat en Nelson Mandelarylaan is onlangs verwyder en gaan nou ten volle gerestoureer word vir uitstalling in Pretoria. LEES MEER: Bloemfontein groet vir eers ’n bekende landmerk-tenk Volgens Majoor Dana Swanepoel van die Pantserskoolmuseum in Tempe, word die platform waar die tenk gestaan het intussen opgeknap. ’n Nuwe tenk sal binnekort dié ereplek inneem, maar inwoners sal moet wag om te sien watter een. Daar is tans nog drie soortgelyke tenks in die Pantserskool se besit – een is operasioneel, een deel van ’n buite-uitstalling en een wag op restourasie.