Nuwe riglyne word vir kleinhandelaar voorgestel
Kleinhandelaars kan binnekort duideliker riglyne kry oor hoe pryse vertoon, produkte gemerk en verkoopsbewyse uitgereik moet word.
Die Nasionale Verbruikerskommissie het konsep-riglyne gepubliseer wat vir 45 dae vir openbare kommentaar beskikbaar is.
Die riglyne volg op inspeksies tussen Julie 2024 en Maart vanjaar, waartydens wydverspreide nie-nakoming, veral by spaza-winkels en kleinhandelaars, gevind is.
Die kommissie sê baie verskaffers het versuim om pryse te vertoon, behoorlike verkoopsrekords te verskaf of die vereiste produkinligting in te sluit.
Die riglyne fokus onder meer op duidelike produkbeskrywings, akkurate pryse, land van oorsprong en kwitansies.
Dit is daarop gemik om besighede te help om aan die Verbruikersbeskermingswet te voldoen en verbruikers te help om ingeligte keuses te maak.
Comments