Nuwe rouwaterheffings moontlik vanaf April 2027 van toepassing
Die Departement van Water en Sanitasie het openbare konsultasies oor voorgestelde rouwaterheffings vir die 2027/28-boekjaar afgehandel.
Die konsultasies is in Johannesburg gehou, waar verskeie belanghebbendes in die watersektor die geleentheid gehad het om insette oor die voorgestelde heffings te lewer.
Die nuwe heffings sal na verwagting verskeie aspekte van waterhulpbronbestuur dek, insluitend die bestuur en instandhouding van waterinfrastruktuur, asook ’n heffing vir waternavorsing.
Die departement sê die terugvoer wat tydens die konsultasieproses ontvang is, sal nou in ag geneem word voordat die finale aanbevole heffings aan die minister van Water en Sanitasie vir goedkeuring voorgelê word.
Indien dit goedgekeur word, sal die nuwe heffings vanaf April 2027 van toepassing wees.
Die Waternavorsingsheffing sal egter eers vanaf Julie 2027 in werking tree.
Die departement sê die proses is daarop gerig om volhoubare befondsing vir Suid-Afrika se waterhulpbronne en -infrastruktuur te verseker.
Comments