OGGEND SPORT: Tony Brown verruil die Bokke vir die All Blacks, Messi kry ‘n uitnodiging vir sy afskeidswedstryd, En Die 2027-Formule Een-kalender word bekendgestel
*** In rugby: Tony Brown gaan die Springbokke se afrigtingsboks vir dié span se grootste teenstanders verruil, nadat hy Suid-Afrika gehelp het om ’n 3–1-oorwinning in die Rugby’s Greatest Rivalry-reeks te behaal.
Ruck.co.uk berig New Zealand Rugby het in Junie aangekondig dat Brown vanaf 2028 vir twee jaar as assistentafrigter by die All Blacks sal aansluit. Hy sal sy bestaande kontrak met die Springbokke voltooi, wat tot aan die einde van die 2027-Rugbywêreldbeker strek.
Die All Blacks se hoofafrigter, Dave Rennie, is deur die hele proses geraadpleeg en steun Brown se aanstelling.
*** In sokker: Lionel Messi is deur Argentinië genooi om in Buenos Aires ’n afskeidsverskyning vir die nasionale span te maak, nadat hy onlangs sy internasionale loopbaan beëindig het.
Argentinië sal tydens Fifa se internasionale venster drie tuisvriendskaplike wedstryde speel teen Bolivia op 30 September, Burkina Faso op 3 Oktober en Benin op 6 Oktober in die Monumental-stadion.
Messi sal saam met Rodrigo De Paul en Giovani Lo Celso vir die laaste vriendskaplike wedstryd teenwoordig sal wees.
Leandro Paredes, Nahuel Molina en Thiago Almada is intussen onderskeidelik vir 10, sewe en een wedstryd geskors ná hul betrokkenheid by die voorval ná die Wêreldbekereindstryd teen Spanje.
In motorsport: Die 2027-Formule 1-kalender sal uit 24 Grand Prix-wedrenne in 22 lande bestaan, met 10 naellooprenne, insluitend in Monaco.
Voorseisoense toetse sal van 24 tot 27 Februarie in Bahrein plaasvind, en die seisoen skop ook daar af van 12 tot 14 Maart voordat dit ‘n week later na Saoedi-Arabië verskuif.
Portugal keer in Junie terug na die Europese skof, terwyl Türkiye in Oktober tussen, Azerbeidjan en Singapoer, weer op die kalender verskyn, terwyl Nederland intussen van die kalender verval.
Die seisoen sal na verwagting weer in Aboe Dhabi eindig, hoewel die FIA bedag sal wees op moontlike ontwrigting in die Golfstreek, gegewe die veiligheidskwessies wat vanjaar se wedrenne geraak het te midde van die VSA-geleide oorlog teen Iran.
Comments