Okosa stel sy ondersoek na Netflix en WhatsApp uit
Oct 5
1 min read
Die Onafhanklike Kommunikasieowerheid van Suid-Afrika (Okosa) het sy kennisgewing van 'n ondersoek na sogenaamde "over-the-top" (OTT)-dienste, soos Netflix, WhatsApp en YouTube, in Suid-Afrika teruggetrek.
Die kommunikasiereguleerder sê die ondersoek sal op 'n latere datum van stapel gestuur word, nadat administratiewe en prosedurele aangeleenthede afgehandel is.
Die ondersoek sal die impak van OTT-dienste op telekommunikasie- en uitsaaimaatskappye ondersoek. Dit kan ook die sogenaamde Fair Share-debat oorweeg, wat voorstel dat groot platforms tot die koste van breëbandinfrastruktuur bydra.
Die owerheid sê 'n nuwe kennisgewing sal gepubliseer word wat duideliker riglyne vir openbare deelname bevat.
Comments