Oliepryse styg

Saamgestel deur Nadia Pieters
Apr 20
1 min read

Oliepryse het met meer as 5% gestyg ná spanning tussen die VSA en Iran.

Volgens AP is die Straat van Hormuz weer gesluit nadat Iran ’n besluit om dit te heropen, omgekeer het.

Dit terwyl ’n Amerikaanse vlootblokkade van Iranse hawens volgens Amerika se president Donald Trump steeds in plek bly.

Intussen berig Sky News dat Iran ’n tweede ronde samesprekings met die VSA verwerp het, ondanks Trump se aanduiding dat direkte gesprekke in Pakistan, gelei deur visepresident JD Vance, sou plaasvind.

Trump het ook gedreig om Iran se infrastruktuur te teiken indien daar nie ’n ooreenkoms bereik word nie.

Berigte lui dat Amerikaanse militêre magte op ’n vragskip beslag gelê het toe dit die blokkade probeer oorsteek het, terwyl Iranse staatsmedia beweer ’n skip het wel deurgekom.