Oliepryse styg skerp
- Saamgestel deur Nadia Pieters
- 3 hours ago
- 1 min read
Oliepryse het skerp gestyg te midde van toenemende spanning in die Midde-Ooste.
Volgens SABC News het pryse opgeskiet nadat die Verenigde State ’n blokkade op Iranse skeepsvaart oorweeg ná mislukte vredesgesprekke die naweek.
Brent-ruolie het met sowat 7% gestyg tot meer as 100 dollar per vat.
Die konflik beïnvloed reeds wêreldmarkte, met aandele en effekte wat onder druk is, terwyl die dollar versterk het.
Kenners sê markte reageer tipies versigtig op toenemende konflik, maar meen die impak bly voorlopig beperk.
Daar is ook kommer dat verdere militêre optrede die wêreld se energievoorsiening nog verder kan ontwrig.
Comments