Omstrede damregulasies is tydelik opgehou

Die Departement van Water en Sanitasie het voorgestelde regulasies oor openbare toegang tot staatsdamme en waterwerke tydelik opgehou vir verdere oorlegpleging.

Maroela Media berig die regulasies het wyd kritiek ontlok nadat daar kommer ontstaan het dat dit toerisme, ontspanningsaktiwiteite en plaaslike ekonomieë negatief kan beïnvloed.

Duisende Suid-Afrikaners, ondernemings en organisasies het beswaar teen die voorgestelde regulasies aangeteken.

Die departement sê verdere konsultasie sal nou plaasvind voordat enige finale besluite geneem word.

Kritici meen openbare toegang tot damme en watergebiede speel ’n belangrike rol in toerisme, werkskepping en plaaslike ekonomiese aktiwiteit.

Ter illustrasie. FOTO: Wix