Omstrede vullistariewe in die Mangaung-metro word in die hof betwis

Saamgestel deur Nadia Pieters
Jul 23
1 min read

Omstrede vaste vullisverwyderingstariewe bly in werking in die Mangaung-metro, ondanks 'n hofuitspraak waarin 'n soortgelyke tariefstelsel in Kaapstad onwettig verklaar is.

Maroela Media berig die Suid-Afrikaanse Vereniging van Eiendomseienaars, oftewel Sapoa, het die Mangaung-metro hof toe geneem omdat die organisasie meen die koppeling van vaste vullistariewe aan eiendomswaardes is onwettig.

Die saak is vir 17 September op die hofrol geplaas. Die Mangaung-metro het aangedui dat hy die aansoek gaan teenstaan, maar het nog nie sy hofstukke ingedien nie.

Intussen meen die DA se woordvoerder oor finansies in die Mangaung-raad, Frans Bothma, die metro behoort die koppeling van vaste vullistariewe aan eiendomswaardes te laat vaar.