‘Onbevoegdheid’ is glo die rede vir klas-ontwrigting

Klasse by die Sentrale Universiteit vir Tegnologie se Welkom-kampus het weer hervat nadat akademiese aktiwiteite onlangs onderbreek is.

Volgens die kampus se studenteraad was die ontwrigting die gevolg van wat hulle as "onbevoegdheid" deur bestuur beskryf.

In ’n mediaverklaring sê die studenteraad dat die akademiese skedule beïnvloed is, wat daartoe gelei het dat toetse wat verlede week sou plaasvind, nou aangepas is.

Studente is intussen aangeraai om hul bygewerkte roosters na te gaan en enige botsings aan te meld.

Die studenteraad sê hulle bly verbind tot studente se akademiese sukses en moedig almal aan om voorbereid te wees vir die hervatting van klasse en assesserings.

Ter illustrasie. FOTO: Facebook