Onderhandeling tussen Iran en die VSA vaar nie goed nie

Die onderhandelinge om die oorlog tussen Iran en die Verenigde State van Amerika te beëindig, verloop nie goed nie. Die twee lande hou aan om dreigemente teen mekaar uit te ruil.

Iran sê hy sal oorskakel na ’n volledig offensiewe militêre houding teenoor die VSA, terwyl die Verenigde State die moontlikheid dat die tydelike wapenstilstand met Iran verleng sal word uitgesluit het.

Intussen berig Fox News dat president Donald Trump dreig om Oman te bombardeer indien die land volgens hom in die pad van sy administrasie se gesprekke met Iran sou staan.

Die Verenigde State en Oman onderhandel afsonderlik met Teheran oor die heropening van die Straat van Hormoes, wat al byna ses maande grootliks gesluit is.

Die seestraat is van groot belang vir die wêreldekonomie, met sowat ’n vyfde van die wêreld se olie en vloeibare aardgas wat gewoonlik daardeur vervoer word.

Donald Trump. FOTO: Facebook