Onderhandelinge beplan om Vrystaat se Eskom-krisis te voorkom

Die Vrystaatse LUR vir Samewerkende Regering en Tradisionele Sake, Saki Mokoena, wil pogings lei om Eskom se beplande ontkoppelings te voorkom deur finansiële herstruktureringsmaatreëls in te stel en op staatsingryping aan te dring. Central News berig dit volg nadat Eskom gedreig het om plaaslike munisipaliteite weens miljarde rande se agterstallige skuld af te skakel. Rosestad-nuus het vroeër berig dat die Minister van Elektrisiteit en Energie, Kgosientsho Ramokgopa, Maandag met die Vrystaatse munisipaliteite vergader het oor ’n oplossing vir betroubare elektrisiteitsvoorsiening en ekonomiese stabiliteit. LEES MEER: Ramokgopa help Vrystaat met moontlike kragoplossing Vrystaatse munisipaliteite skuld Eskom gesamentlik R26 miljard. Vier munisipaliteite – Nala, Moqhaka, Masilonyana en Ngwathe – het agt weke om hul agterstallige skuld te betaal of afskakeling in die gesig te staar. Eskom het aangekondig dat kragtoevoer vanaf 17 April verminder of gestaak kan word.