Ondersoekdirektoraat wil nuwe uitleweringsaansoek vir Guptas indien
- Saamgestel deur Armando Pieters
- Jun 19
- 1 min read
Die Ondersoekdirektoraat Teen Korrupsie sê hy sal ‘n nuwe uitleweringsaansoek by die Verenigde Arabiese Emirate (VAE) indien vir die Gupta-broers vir bykomende staatskapingsake.
Dit is ten spyte van die gebrek aan sukses tot op hede in die poging om die broers te kry om in Suid-Afrika verhoor te word in die Estina-suiwelplaas en Nulane-sake.
Die hoof by die direktoraat, Andrea Johnson, het aan die parlement gesê hulle sal in belang van geregtigheid nie tou opgooi nie.
Die versuim van die staat om die Gupta-broers Atul en Rajesh suksesvol uit te lewer, is ʼn klad op die nasionale vervolgingsgesag se vordering met die vervolging van staatskapingsake.
Comments