Ongedokumenteerde immigrante vertraag grensverwerking

Die minister van binnelandse sake, Leon Schreiber, sê die groot aantal ongedokumenteerde immigrante wat by die Beitbrug-grenspos verwerk word, veroorsaak vertragings by die fasiliteit.

Hy het dit gesê tydens 'n toesigbesoek aan die grenspos.

Schreiber sê amptenare moet elke persoon se immigrasiestatus verifieer, vingerafdrukke neem, polisiekontroles uitvoer en reisdokumente bevestig.

Hy voeg by dat sommige immigrante nie paspoorte het nie en dat Binnelandse Sake saam met hul regerings werk om tydelike reisdokumente uit te reik voordat hulle Suid-Afrika kan verlaat.

Ter illustrasie. FOTO: Unsplash