Ontevrede Vrystaatse werkers gaan voort met hul staking
- Saamgestel deur Nadia Pieters
- Nov 28, 2025
- 1 min read
Die meer as 120 ontevrede werkers regoor die Vrystaat het belowe om met hul staking oor salarisverhogings by die provinsie se Dobbel-, Drank- en Toerisme-owerheid voort te gaan.
Bloem Express berig die staking het Maandag begin, nadat hulle ‘n dooiepunt met die direksie en bestuurspan oor salarisverhogings bereik het.
Volgens die Nasionale Onderwysgesondheids- en Geallieerde Werkersunie se Vrystaat-sekretaris het die werknemers laas in 2023-24 ‘n verhoging ontvang.
Die unie voeg by werknemers is steeds hul verhoging van 5% en 2.5% vir van die 2024-’25 finansiële jaar en die 2025-’26 finansiële jaar verskuldig.
In wese beteken dit dat werkers vir twee agtereenvolgende jare geen verhoging ontvang het nie.
Comments