Ontvoerders eis ’n losprys van R3 miljoen vir ’n man wat in Villiers ontvoer is

’n Losprys van R3 miljoen is glo geëis vir die veilige vrylating van ’n man wat tydens ’n motorkaping in Villiers ontvoer is.

Volgens die Vrystaatse polisie is die 35-jarige Nadim Hoshen deur twee mans oorval terwyl hy in sy motor by die hoek van Pearson- en Mainstraat gesit het.

Die verdagtes het met sy voertuig weggejaag, wat later sowat vyf kilometer verder verlate gevind is. Die vermeende ontvoerders het die volgende dag glo sy familie gekontak. Hoshen is steeds vermis.

Intussen berig Parys Gazette dat 4 253 ontvoerings landwyd in die vierde kwartaal van die 2025/26-boekjaar aangeteken is. ’n Ontleding van 268 gevalle het getoon dat 81% met lospryse verband gehou het, 13% met afpersing en 6% met mensehandel.

Ter illustrasie. FOTO: EWN