Oom Paul kuier in die Rosestad

Oom Paul het die Vrouemonument in die Rosestad besoek, waar 'n gedenkprogram aangebied is.

Die replika van die standbeeld van pres. Paul Kruger se reis het op Erfensdag in Pretoria begin en deur verskeie dorpe beweeg.

Volgens Orania se Facebook-blad het die standbeeld Donderdag sy eindbestemming hier bereik.

Netwerk24 berig Andries Raath het Woensdag by die geleentheid in Bloemfontein 'n praatjie gelewer, waarna 'n kranslegging gehou is.

Die CVO Skool Dankbaar in Bainsvlei het die toneelstuk Kruger breek die pad oop deur NP van Wyk Louw opgevoer.

Andries Raath. FOTO: Netwerk24