Oos-Vrystaatse appels is perfek vir Oosterse markte

Meer as 160ha appels wat die afgelope vyf jaar in die Oos-Vrystaat geplant is, is perfek in pas met die vereistes van die groeiende Oosterse markte.

So sê die Suid-Afrikaanse vrugte-uitvoerder Freshgold se direkteur, Pieter von Maltitz.

Landbouweekblad berig hy het op die onlangse simposium van Hoogland Vrugtekwekers naby Fouriersburg oor Suid-Afrika se plek in die internasionale appeluitvoeremark gepraat.

Suid-Afrika beklee tans die sewende plek onder appeluitvoerlande, met gemiddeld 45 miljoen kartonne appels wat jaarliks uitgevoer word.

Appels in die Oos-Vrystaat is al in Januarie gereed vir bemarking, wat dit nie net die eerstes van die seisoen in Suid-Afrika maak nie, maar ook die Suidelike Halfrond.

Ter illustrasie. FOTO: Wix