Outa glo 'n elektrisiteitsertifikaat moet genoeg wees vir sonkragstelsels

Die Organisasie teen Belastingmisbruik (Outa) sê huiseienaars en besighede moet wag om hul sonkrag- of battery-stelsels by Eskom te registreer totdat sleutelkwessies uitgeklaar is.

Outa sê dit volg ná ’n vergadering met Eskom oor die huidige reëls wat onduidelik en moontlik buite Eskom se magte is.

Die uitvoerende hoof van Outa, Wayne Duvenage, sê tariefstrukture, nakomingsvereistes en sertifisering bly onseker.

Outa glo ’n standaard- elektrisiteitsertifikaat van nakoming behoort genoeg te wees sonder ekstra goedkeuring deur ingenieurs.