Outa kritiseer die herhaalde verlenging van Sanral se raad

Saamgestel deur Nadia Pieters
Jan 20
1 min read

Die Organisasie teen Belastingmisbruik (Outa) het die herhaalde verlenging van die Suid-Afrikaanse Nasionale Padagentskap (Sanral) se raad gekritiseer, en waarsku dat dit bestuur en verantwoordbaarheid ondermyn.

Outa sê wat ‘n tydelike oortydmaatreël moes wees, het standaardpraktyk geword, wat toesig en openbare vertroue verswak.

Die organisasie het ook bevraagteken of die vertraging in die aanstelling van ‘n nuwe raad doelbewus is.

Outa se uitvoerende hoof, Wayne Duvenage, vra vir dringende aanstellings, duidelike tydlyne en ‘n onafhanklike ondersoek na bestuur en verkrygingskwessies by Sanral.