Outomatiese aanslae moet noukeurig deurgegaan word
- Saamgestel deur Nadia Pieters
- Jul 7
- 1 min read
Belastingkundiges dring daarop aan dat Suid-Afrikaners nie outomatiese aanslae van die Suid-Afrikaanse Inkomstediens aanvaar sonder om dit eers na te gaan nie.
Allan Gray sê die diens gebruik inligting van werkgewers, banke, aftreefondse en mediese skemas om opgawes outomaties te voltooi.
Belastingbetalers wat vir outomatiese aanslag gekies word, sal tussen 1 en 12 Julie SMS- of e-poskennisgewings ontvang.
Diegene wat met die aanslag saamstem, hoef nie ’n opgawe in te dien nie, maar enige belasting wat verskuldig is, moet betyds betaal word.
Enigiemand wat verkeerde of ontbrekende inligting vind, moet hul opgawe opdateer en indien deur Sars eFiling of die mobiele toep.
Comments