Oxford ontwikkel nuwe Ebola-entstof

Saamgestel deur Nadia Pieters
1 day ago
1 min read

Wetenskaplikes aan die Universiteit van Oxford werk aan ’n nuwe entstof wat moontlik binne die volgende paar maande gereed kan wees vir kliniese proewe teen Ebola.

Die uitbraak is tans gesentreer in die Demokratiese Republiek van die Kongo waar honderde vermoedelike gevalle en meer as 170 sterftes reeds aangemeld is.

Die seldsame Bundibugyo-stam van Ebola, waarvoor daar nog geen bewese entstof bestaan nie, is verantwoordelik vir die huidige uitbraak.

Volgens die BBC sê wetenskaplikes hulle werk met dringendheid indien die situasie verder sou vererger.

Navorsers waarsku egter dat verdere diernavorsing en menslike proewe nog nodig is om te bepaal of die entstof doeltreffend sal wees.