Paaie kry meer verkeersbeamptes tydens die feestyd
- Saamgestel deur Ilde Roos
- 10 hours ago
- 1 min read
Die Padverkeersbestuurskorporasie het aangekondig dat hulle meer nasionale verkeerspolisiebeamptes na hoërisiko-provinsies vir die vakansie sal ontplooi. Hierdie provinsies sluit die Wes-Kaap en die Oos-Kaap in.
Dit kom nadat 37 mense in 28 ongelukke in die Wes-Kaap alleen sedert die begin van die feestyd dood is.
Volgens die Padverkeersbestuurskorporasie dryf alkoholmisbruik die dodetal aan, met baie ongelukke waarby dronkbestuurders en dronk voetgangers betrokke is.
Die organisasie sê die beamptes sal help om wetteloosheid, oormatige spoed, dronkbestuur en moegheid aan te pak, wat hierdie tyd van die jaar ‘n groot probleem is.
Comments