Parlement verdedig die speaker te midde van 'n mosie van wantroue

Die parlement het bewerings van die hand gewys dat die speaker van die Nasionale Vergadering, Thoko Didiza, versuim het om die werk van die Artikel 89-afsettingskomitee te ondersteun.

Dit kom nadat die EFF Vrydag ‘n mosie van wantroue teen haar ingedien het.

Die party is ongelukkig dat sy geweier het om president Cyril Ramaphosa se dringende hofaansoek om die komitee se werk te stop, teen te staan. Die parlement sê Didiza het haar pligte uitgevoer, insluitend die aanstelling van die veelpartykomitee om die Phala Phala-diefstalsaak te ondersoek.

Dit voeg by dat die speaker die komitee van die wetlike, prosedurele en administratiewe ondersteuning voorsien het wat dit nodig het om sy mandaat uit te voer.

Thoko Didiza, argief. FOTO: Polity