Parlement word versoek om onwettige mynbou-netwerke te ondersoek

Die parlement se ad hoc-komitee is versoek om die breër netwerke van politieke invloed en georganiseerde misdaad wat verband hou met onwettige mynbou in Suid-Afrika aan te spreek.

Die mynboubelangegroep Macua het dié oproep gemaak in sy voorleggings aan die komitee wat bewerings van polisiekorrupsie ondersoek. Dit het die komitee gevra om verskeie kwessies in sy finale verslag te oorweeg, insluitend die individue wat onwettige mynbou organiseer en daaruit munt slaan.

Macua waarsku dat onwettige mynbou voortleef danksy finansiers, vervoerders, verwerkers, uitvoerders, kopers en ander kommersiële begunstigdes.

Die organisasie sê die parlement moet verder as ondergrondse mynwerkers kyk en die geld volg indien dit ernstig is oor die aanspreek van onwettige mynbou.

Ter illustrasie. FOTO: Unsplash